وجهت الإعلامية ياسمين عز مجموعة من النصائح إلى الزوجة الثانية والأولى على حد سواء، لضمان حياة مستقرة مع الزوج.
وقالت ياسمين عز في رسالة موجهة للزوجة الثانية: "راعي ربنا في ضرتك الزوجة الأولى عشان ربنا يكرمك، في مثل بيقول مركب الضراير سارت ومركب السلايف حارت".

وأضافت خلال برنامجها "كلام الناس" المذاع على قناة mbc مصر: "أرجوكي بلاش تشوفي إنك أحسن من الزوجة الأولى في أي حاجة، لأي سبب".

وأضافت: "على سبيل المثال، لو زوجته الأولى مش بتخلف، أوعي تفكري إنك أحسن منها، دي نعمة ربنا إدهالك فبلاش تفكري إنك أحسن منها ولو إنتي أصغر منها في السن، بلاش جو معاملة طنط، وتتعمدي تلعبي على الحكاية دي، لأن بكره هتكبري، وكلنا بنكبر، والله أعلم جوزك هيعمل معاكي إيه لما تكبري".

كما نصحت ياسمين عز الزوجة الأولى قائلة: "حطي جوزك فوق السطوح.. لو ليكي نصيب فيه مش هيروح". وأضافت "ياسمين عز" أن هناك عدة أشياء لابد من الزوجة أن تفعلها حتى لا يتزوج زوجها عليها مرة أخرى، مشيرة إلى أن من ضمن هذه الأشياء هى الحرص من القريب قبل الغريب".

وتابعت ياسمين عز، أن كلامها السابق ينطبق علي جميع السيدات، موضحة "جوزك ميوصلش صحبتك لوحده .. ومش عاوزه اسمع جملة بثق في حد".