أعلنت الفنانة شيرين رضا، زواج ابنتها نور قريباً، وتحدثت شيرين رضا عن ابنتها نور عمرو دياب وتفاصيل زواجها.

وأوضحت شيرين رضا أن ابنتها لن تقيم حفل زفاف مشيرة إلى أنها لا تؤمن بهذه الأمور.

وقالت شيرين رضا، في لقاء مع et بالعربي: "إحنا معندناش الأفراح أحنا لا نؤمن بهذه الأشياء، أنا عمري ما لبست فستان فرح، لبست في التمثيل لكن في الحقيقة لا".

واستكملت: "كل واحد حر يعمل اللي هو عاوزه وهي وأنا مش كدة متربناش كدة دي أفكار شخصية".

وتابعت: "أنا بشوف إن الحفلة الكبيرة فلوسها كتير أوي ليه هما ميستمتعوش بالحاجات دي أكتر من فستان الفرح والقاعة والمصاريف الكتير، كل ده علشان ليلة واحدة ياخدوا الفلوس دي يستمتعوا بيها".

وتابعت: "هي مش عاوزة تعمل فرح وأنا عمري ما كنت عاوزة أعمل فرح، هشوف لسه الاحتفال إزاي المهم أن هي وجوزها وأهله وأهلها وأصدقائهم المقربين يفرحوا مش نعزم ناس شفناهم السنة اللي فاتت علشان ميزعلوش ويجوا وينتقدونا ده مش هيحصل".

جدير بالذكر أن شيرين رضا تشارك دينا الشربيني في بطولة حكاية "ولو بعد حين" من مسلسل "حدث بالفعل".

وحكاية "ولو بعد حين" بطولة دينا الشربيني وشيرين رضا وإسلام حافظ وبسنت حاتم ومحمد أبو داود وعابد عناني ولبنى ونس وإخراج هشام الرشيدى، والمسلسل إنتاج مصري إماراتي مشترك.