كشفت المطربة دوللي شاهين عن تعرضها للخيانة الزوجية أكثر من مرة، لكنها اكتشفت تلك الخيانات دون بذل أي مجهود.


و قالت دوللي شاهين خلال استضافتها في برنامج "البخت" مع الإعلامية خلود عزمي: "كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة رعب في البيت، وأنا واقفة عند أوضة النوم برتب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب".

و أضافت" ربنا جابلي حقي لغاية عندي، ولقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي، و كان كرم أخلاق مني و أديتها أجرها".

و تابعت" جوزي كان مصور فوتوغرافي في الكليب، ومش عارف إن صاحبته موجودة، وحصل مشهد درامي رهيب، هي انهارت وهو بقى مصدوم، وحلف إنه ميعرفهاش وأنا قلت خرجوهم برا وكملت يومي عادي".

و قالت: "جوزي كان مقيم في مصر، وأنا كنت راجعة من لبنان عشان مدرسة بنتي، ولقيت حاجات نسائية مش بتاعتي على سريري، والموضوع كان خلصان لكن كنت مكملة عشان خاطر بنتي".