كشف الفنان رامي جمال عن السبب الرئيسي وراء ابتعاد زوجته عن الغناء، حيث أكد على أنه تعرف على زوجته ناريمان عندما توجهت له لتسجيل الأغاني فولدت بينهم قصة حب تكللت بالزواج.

وقال رامي جمال خلال لقائه في برنامج "سهرانين"، الذي يقدمه الفنان أمير كرارة: "إحنا كان فيه اتفاق صريح جدًا بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟، قُلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اخترتي إنك تبقي في بيتي عرفيني، وهي اختارت وقالتلي أنا موافقة أبقى في البيت".

و أضاف جمال" أنا دلوقتي شايف إني ممكن أعمل لها أغنية من وقت للتاني، من باب الهواية متتكتمش، لأن صعب جدًا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان".

و يشار إلى أنه في الفترة الأخيرة كان قد أعلن الثنائي عن إنفصالهما بشكل مفاجئ، ثم لم يمكث هذا الخبر أكثر من 24 ساعة ثم عادا لبعض، حيث نشرت ناريمان عدداً من مقاطع الفيديو عبر خاصية (ستوري) عبر تطبيق تبادل الصور (إنستغرام) ظهر فيه رامي جمال، يقول خلالها: "علاقتنا ربنا مبارك فيها والناس كلها زعلانة إننا زعلنا من بعض".