تحدثت المذيعة ريهام سعيد عن تعرضها للسحر الأسود، بوقف حالها والمرض والطلاق، من قبل زميلة لها، وكشفت سعيد أنها بسبب هذا السحر لا تستطيع قراءة الأذكار والتسبيح.

وفي بث مباشر عبر صفحتها الرسمية على فيسبوك، روت ريهام سعيد تفاصيل ما تعرضت له من سحر وقالت "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش بيبقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده ناس كتير أوي وأسبابهم مختلفة".

وأضافت ريهام سعيد إن هناك علاقة وثيقة بين الآثار والسحر وأن معظم من يعملون في الأسحار يعملون في التنقيب عن الآثار والدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها قالوا إن منزلهم تحته آثار ولذا حدث لهن مس.

وتابعت ريهام: "كل اللي بيحصل بإذن الله ومن عند ربنا فأنا مقتنعة إن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك"، مشيرةً إلى أن الداعية مصطفى حسني قال لها إن سورة البقرة قوية جدًا".

وأردفت: "كل ما أجي أمسك سبحة لأعمل أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كدة مش عايزة تهدأ غير لما يتقضي علىّ خالص".

واستكملن: "أنا زهقت وفكرة أن حد يأذيني بتبقى صعبة أوي، عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب أنا لما بصلي بنهار من الدموع وقرأت لشيوخ بيقولوا أن ده من علامات الحسد".

وأكدت ريهام أنها تعلم جيدا من وراء هذا السحر وقالت: "عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع".

ودعت ريهام متابعيها لقراءة سورة البقرة يوميا للتخلص من السحر.