هجوم قاسي شنّته المخرجة ريما الرحباني إبنة السيّدة فيروز على النجمة مايا دياب وشاشة الـ MTV ورئيس مجلس إدارتها ميشال المرّ والموظفين العاملين في القناة .
وقالت ريما في بيان نشرته عبر صفحتها الخاصّة بموقع التواصل الاجتماعي فيسبوك قائلة:' لازم ضروري يرجع في عدل وعدالة بهالبلد وتبلّش أوّل شي مهاما بإنّها ترد الحق لصحابو، وأوّل مين لازم يرجعلو حقّو هوّي جهاد المر لأن ميشو سقط سقط وكتّر! والتلفزيون بإيد الولد بيجرح!'.
وتابعت:'لحدا يقنعني إنّو ميشو مش عامل إنجاز عالمي بجمع ذات المواصفات عند هالعدد من الموظفين اللي كلّن بينقطوا سَم بذات الكميّة مُستحيل! كأن من ضمن شروط السي ڤي للإنضمام لهالمحطة تنقيط السم! بس يا ميشو صدّقني ما كان ناقصَك مشاكل بهالحشرة التاريخيّة!'.
وأضافت :'شوف كيف بدّك تضَبضِبن شوي بمعرفتك! أو تشَكِّلُن ع القليلة اذا ولَلْبُد إنو مثلاً شي بينقّط سَم شي بينقّط هَم شي بينقّط غَم! أحلى وهالنشاط الجديد بإنك تِرعى حفلات خيريّة من حساب غيرك ما حلوة منّك! لو بترجع للجذور وبترعى بقَر يمكن أحسن'.
وتابعت:'هالمحطة اللي آنيها واللي ما بتخلّي مناسبة ولا برنامج ولا مذيع ولا ضيف إلا ما يلطشني ع قصّة مطالبتي بالحقوق! وينكّت ويتكَركَر ويقرّق ويضحك ويشَهنِق لحالو متل المعتوه! هيّي بذاتا بس صار بدّا تقلّد وتنسخ عن ال إل بي سي متل العادي لأنو شغلتها الوحيدة تنسخ يا من إل بي سي يا من الغَرب! وبس صاروا برامجا ع ويب سايت وبدّك تدفع لتشوفن، ما خلّت فنان أو ضيف أو مذيع.. ما طلّعتو يعملنا وعظة عن الحقوق والأخلاق! وإنو اوعى حدا يستعمل شي لغيرو عَيب ما بتنعمل! اشتركو وشوفوا وساهموا بنشر إحترام الحقوق!'.
واستكملت ريما في التعبير عن إستيائها من عدم إحترام الحقوق الفكريّة لأغاني السيّدة فيروز وإستخدامها من المستقلين، كما شنّت هجوماً عنيفاً على النجمة مايا دياب دون أن تذكر اسمها إثر حفلتها الغنائية الأخيرة التي أحيتها منذ أيام والتي يعود ريعها إلى متضرري إنفجار بيروت والتي قدّمت فيها بعض من أغاني السيّدة فيروز.
وقالت ريما لمايا: 'يا شيخة اعتمديلك شكل تنعرفك فيه والله ما عرفتك! ساعة بتنفخّي ساعة بتنفسّي ايش ده!على إش دي على أسود وأبيض! رعب العادي! يعني بصراحة صُعقت'.
وختاماً وصفت ريما ما يحدث بأنه إرهاب فنّي يجب ردعه.