أجرت الفنانة غادة عبد الرازق، لقاء مع مجلة What Women Want، تحدثت فيه عن صفة في شخصيتها لأول مرة تتحدث عنها، وهي أنها خجولة بشدة على عكس المتعارف عليه بالنسبة لها. ولفتت إلى أنها تتمتع بشخصية قوية وحادة أمام الكاميرا فحسب. وخلال لقائها، قالت غادة عبد الرازق "أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا". وأضافت غادة عبد الرازق "لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية". أما عن رأيها في تغيير صناعة السينما بالنسبة للسيدات قالت غادة عبد الرازق: "حابة إن الستات ترجع تعمل بطولة مطلقة في السينما، ومتبقاش النجومية محددة على بطل قدام بطلة". وتابعت غادة عبد الرازق "حابة أن الأيام دي يبقى في أعمال أبطالها نجوم كتير، مش قائم على النجم والنجمة، بس أتمنى نرجع نعمل حاجة زي باب الحديد، جعلوني مجرمًا، حاجة ليها هدف وفي نفس الوقت تكون مسلية للناس". كانت غادة عبد الرازق، قد حضرت لأول مرة مهرجان البحر الأحمر السينمائي الدولي في حفل ختام الدورة الثانية التي أقيمت مساء الخميس الثامن من ديسمبر. واختارت غادة عبد الرازق فستانا بتصميم يشبه العباءات من تصميم الفرنسي ستيفان رونالدو من مجموعة للأزياء الراقية لشتاء وخريف 2023، وهو مستوحى من تصميم العمارة الإفريقية، كما وضح المصمم.