كشف الفنان كريم فهمي عن تعرضه لسرقة فكرة فيلمه "هاتولي راجل" وتقديمها في أحد الأفلام الفرنسية، وكذلك فيلمه "علي بابا" في أحد الأفلام الهندية.


وعبّر كريم فهمي عن غضبه الشديد من تجاهل الجمهور لسرقة بعض أفلامه وتقليدها، و نشر بوستر لأفلامه عبر حسابه الخاص في تطبيق تبادل الصور (إنستغرام)، حيث علق عليها قائلًا: "بعد نزول فيلم "هاتولي راجل" نزل فيلم فرنساوي بعده بكام سنة نفس الفكرة، وبعد نزول "علي بابا" بكام سنة نزل فيلم هندي نفس الفكرة برضو".



وأضاف" أنا مش بنزّل البوست ده عشان أبيّن مجد شخصي كمؤلف أو حاجة أنا بس نفسي الناس اللي بتتهم المؤلفين المصريين بالسرقة على السوشيال ميديا يدّونا حقنا ويفهموا أنهم بيقتبسوا مننا كمان وكتير، زي ما أنا اقتبست فيلم "ديدو" من رواية "عقلة الإصبع" واتعمل أفلام كتير أوي بره مصر عن الرواية".

و تابع" و"ديدو" أول فيلم مصري يتناول الرواية وكتبت ده قبل ما يبدأ الفيلم، مش بعيد يقولوا إني واخد "هاتولي راجل" و"علي بابا" من الأفلام ديه بعد نزول أفلامي بسنين... يعني بقرا المستقبل".