خرجت الفنانة المصرية شيرين عبد الوهاب اخيرا عم صمتها فيما يخص علاقتها بالفنان المصري حسام حبيب بعد اشهر من الانفصال و الكثير من الاخذ و الرد.

واعترفت شيرين في مداخلة هاتفية ضمن برنامج "كلمة أخيرة" مع الاعلامية لميس الحديدي انها كانت تكذب خلال الفترة الماضية لتحسن صورة حسام في حين ان الحقيقة ان معاناتها و معاناة بناتها معه كانت كبيرة.
وقالت شيرين في المداخلة: "أنا آسفة إني بتكلم فى موضوعي.. الناس والبلد عندها مشاكل وأنا حاسة إن موضوعي بوّخ.. أنا بتأسف على الكدب اللى كدبته عشان أخلي صورة إنسان تبقى كويسة، وأنا بالذات مش بحب الكذب، كذبت فى حاجات كتير قوي عشان أنا بنت أصول، وممكن يروح الإنسان ده يتجوز من عائلة تانية، وأنا بصراحة نفسي يتجوز ويغور ويبعد عني".

تابعت شيرين في مداخاتها: "عيالي 4 سنين شايفين الويل، سافرنا الساحل وبناتي نفسيتهم تعبانة، وماكناش عايشين وماكنوش يعرفوا إنى عايشة مع زوج مابيشتغلش تقريبا، وكنت محبوسة 24 ساعة فى أوضة نومي ومبعملش حاجة، أنا غلط في شيرين عبد الوهاب."

واضافت: "وأنا إنسانة بحافظ على بيتي ولكن مكنش بيت كانت مصيدة فيران. كل خناقة تحصل ما بينا يحرق دمي لحد ما أمسك المكنة وحلق شعري.. وطلعت غنيت عشان بناتي مايتعقدوش وحسستهم إنه نيو لوك وعملت حفلة.. ولما رجعنا لبعض تاني رجعوا تاني البنات يشوفوا إنه بيتدخل فى كل شيء وإنه إنسان معندهوش شغل وكرهني في بناتي، حاولنا نرجع لبعض وقالوا إن حسام كتف شيرين وحلق لها شعرها.. وقولت فى آخر المكالمة كنت بحبه عشان أرحمه من كلام الناس، ولكن هو فعلا اللي حلق لى شعري.. وشوفت أيام سود معاه".

كما قالت: "كنت بحاول أجمّل صورة حسام، ولكن الناس عارفين كل حاجة، وعمالة أجمّل وأقول كلام كذب والناس أذكية جدا، كنت عايشة مع راجل مبيشتغلش ومش بيروح لأهله، إنسان مؤذي جدا وخسرني كل الناس خسرني أمي وأبويا والسواق والشغالة.

هو اللي وصلني اني احلق شعري ولما كنا في الفورسيزون وزعلانه منه فجه صالحني بعدها اتخانقنا وقولتله امشي قالي لا انتي هتنزلي معايا دلوقت للمأذون قولتله يعني انا ابقا شيرين عبد الوهاب وعايز تجرني تنزلني بقميص نومي عشان توديني اتطلق؟".

وتابعت شيرين في تصريح نقلته عنها الإعلامية لميس الحديدي مقدمة برنامج "كلمة أخيرة": لدي دلائل مادية على كل كلمة قلتها بحق حسام حبيب، وكلامي ليس مرسلاً ولا مجرد فضفضة، وأتحمل المسئولية القانونية عن كل كلمة قلتها.

ووجهت شيرين عبد الوهاب اتهامات عديدة لزوجها السابق حسام حبيب في مداخلة هاتفية مع برنامج "كلمة أخيرة" أبرزها الاستيلاء على سيارة تقدر قيمتها ب 3.5 مليون جنيه، قالت إنها كتبتها باسمه حتى لا يتعرض للحرج أثناء العبور من كمائن الطرق، وكان من المفترض أن يحرر لها عقداً من الباطن للحفاظ على حقوقها المالية ولكنه لم يفعل.

كما أشارت إلى أنه مريض نفسي وتسبب في خسارتها لوالدتها وأسرتها والأصدقاء المقربين، وأنها كانت تنفق عليه لأنه بلا عمل، وقدمت عبدالوهاب خلال المداخلة الهاتفية اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبيحبهاش".

وسألتها لميس الحديدى عما كذبت بشأنه لترد الفنانة: "كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه".

وتابعت شيرين: "أنا ست قاعدة في أمان الله مع بناتي، بقالنا 4 سنوات شايفين الويل، سافرنا الساحل وقلنا نقعد أربعة أو خمسة أيام ونرجع مبسوطين وتتحسن نفسية البنات ونفسيتي، ومكناش بنخرج ومكناش عايشين تقريباً والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريباً، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة أنى بحافظ على بيتى لكنى اكتشفت أنه ما كنش بيت، كانت عيشة فئران أو مصيدة، أنا كنت زى الفار اللى بيدخل المصيدة ياكل حتة جبنة".

وأضافت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جمبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللي أعيش معاه".