خرج مصمم الأزياء أحمد العجمي طليق البلوجر أحلام عادل صُبحي عن صمته ليكشف تفاصيل الواقعة التي تسببت في انفصالهما وكواليس واقعة الطلاق والضرب أثناء أدائهما العمرة، إلى جانب توجيه رسالة اعتذار لها عما بدر منه خلال الفترة الأخيرة ومعاملته لها بعنف طالباً منها السماح ومن متابعيه الدعاء بصلاح الحال بينهما.

تحدث “العجمي” خلال فيديو بث مباشر عبر حسابه الشخصي بموقع تبادل الصور والفيديوهات “انستجرام” قائلاً: “يا أحلام حقك عليا، أنا أسف وغلطان في حقك”، متابعاً: “أول مرة أعمل فيديو وأطلع اتكلم فيه، حصل بيني وبين أحلام شد في العمرة، خلاف وشديتها وزقيتها وده مكنش لازم يحصل خالص، لما رجعنا من العمرة صالحتها وكنا كويسين، وبعدين حصل خلاف تاني، وزعلت مني وافتكرت كل اللي كنت بعمله”.

 
وأضاف طليق أحلام: “أتمنى متزعلش مني والدنيا تروق وتدعولنا بأن ربنا يصلح الحال إن شاء الله، هي سنة أولى جواز فيها شد وكل حاجة، ولسه في طباع وعيلتين بيتعرفوا على بعض، وبنطبع على طباع بعض وربنا ييسر الدنيا، هروح لحد متخصص وأعرف أزاي نتعامل ونتفاهم مع بعض، وبطلب منكم تدعولنا ربنا يهدينا، لأن الكلمة الحلوة في الوقت ده بتفرق وبتكون كويسة”.

وفاجئت البلوجر أحلام عادل صبحي متابعيها مساء أمس بخبر طلاقها من مصمم الازياء أحمد العجمي، أثناء تأديتهما للعمرة، وذلك خلال تدوينة لها من خلال خاصية القصص المصورة “ستوري” عبر حسابها الشخصي بموقع تبادل الصور والفيديوهات “انستجرام”.

وكتبت “أحلام”: “أنا رجعت من العمرة مضروبة ومطلقة، علشان جبت مصليات لزمايلي الولاد والبنات، ملحوظة كانت مصلية مش أزازة خمرة”، متابعة: “أنا صورت كتير وف الاخر بعيط وبنهار وحسبي الله ونعم الوكيل بجد”.

وأضافت: “بكره بإذن الرحمن الساعة عشرة وشوية هنتقابل سوا ولحد ما بكره ييجي ادعولي ابقى كويسة وربنا يخلصنا منها ع خير”، متابعة: “ربنا كريم ورحيم ويعافينا من اي حاجة وحشة”.
وكانت أحلام عادل صبحي قد أعلنت زواجها من مصمم الأزياء أحمد العجمي في مارس الماضي.