حلّت الفنانة صابرين ضيفة ببرنامج "كلمة أخيرة"، مع الإعلامية لميس الحديدي، وتحدثت عن زميلتها الفنانة حلا شيحة، والأزمات الأخيرة التي تعرضت لها بسبب رؤيتها للفن، وقالت صابرين أنها تتفهم تعرض بعض النجمات لاضطراب نفسي يدفعهن للاعتزال وارتداء الحجاب، وأنها نفسها تعرضت لنفس الضغوط سابقا.

توقفت صابرين أمام بيان حلا شيحة العدائي ضد الفن، بحسب قولها، ووصفته بالمريب والغريب، كما رفضت موقف حلا من والدها وقالت إنه كشف عن وجود "حاجة غلط" في حياة شيحة.

وأضافت: "بالنسبة لي كان موقف حلا شيحة مريب وأنا أعرفها وهي خالعة الحجاب وهي محجبة ومنقبة وفي مناسبات مختلفة جمعتنا .. لكن الموقف الأخير كان مريب حسيت وقتها إن فيه حاجة غلط".

تابعت قائلة: لما قرأت البوست كان غريب برضه انتي خلاص عملتي حاجة أو خدتي خطوة تمام بس مش كده يعني".

واستكملت: "مش عارفة ممكن تكون حلا شيحة تعرضت للتخبط في الفترة الاخيرة لما بعدت نسيت التمثيل وده عادي الفنان يتعرض للتخبط، لكن ما فعلته حلا شيحه كان مبالغ فيه شوية وأكثر ما أزعجني في أزمتها علاقتها بوالدها الفنان أحمد شيحة .. أي حاجة عادي لكن علاقتك بوالدك ماينفعش تبقى كده أبوكي راجل محترم جداً".

وتابعت موجهة حديثها لـ حلا شيحة: "براحتك أتجوزي واعملي الي إنتي عايزاه لكن معلش الاب والام مش خط أحمر بس ده خط ملتهب".

ووجهت رسالة لمنتقدي خلع الحجاب قائلة: الي هينزل معايا القبر يحاسبني .. فيه ناس بتدخل على السوشيال ميديا يوجهولي رسائل من نوعية بحبك في الله وانا بتقبل ده لكن فيه شريحة تانية شغالة بهدلة وتهزيق ودول لجان.